Морнарски дневник бр.1

Оригинално објавен на 21 април 2012

Бидејќи Кајгана форумот не е достапен на бродов, ќе пишувам на ФБ. 

Првите денови на брод, како првите денови во војска, со мала разлика, бродот се ниша. И најважно од се, има интернет, скап и бавен, ама го има. 

Поради лошото време во Key West откажани се неколку активности, како и две точки од обуката што значи ќе имам време да дремнам малку. Само да ми заврши сушењето на алиштата. 

Ритамот е мошне напорен, обука од 8 до 4-5 и после тоа работа до 11..12... Поради голем број на членови на екипажот во Дизни Меџик, цимерот ми е од друг оддел. Тук-там има по некој од балканскиве земји, ама само јас сум Македонец таму. 

Мобилниот има прием само кога е во Порт Канаверал. 

Се извинувам за некреативноста, ама тоа е... 

Сите викаат дека првите 30 дена биле многу тешки на брод. Мене досега ми поминаа еден и пол ден.